२७ कात्तिक, काठमाडौं । मंसिर १४ गते हुने उपचुनावका लागि हुम्लाको खार्पुनाथ गाउँपालिकाको उपाध्यक्ष पदमा तीन दलले मनोनयन दर्ता गराएका छन् ।
नेपाल कम्युनिस्ट पार्टीबाट रुपा शाही, नेपाली कांग्रेसबाट तारा शाही र राप्रपा संयुक्तबाट दीपबहादुर शाहीले बुधबार उम्मेदवारी दर्ता गराएका हुन् ।
उपनिर्वाचनका लागि नेकपाबाट उम्मेदवारी दर्ता गरेकी रुपा यसअघि पराजित उम्मेदवार हुन् ।
यसअघि कांग्रेसबाट निर्वाचित उपाध्यक्ष सिन्धु शाही हमालको जीप दुर्घटनामा मृत्यु भएपछि खार्पुनाथमा उपनिर्वाचन हुन लागेको हो ।
