२८ कात्तिक, काठमाडौं । अल्का अस्पतालले विश्व मधुमेह दिवसका अवसरका बिहीबार निःशुल्क स्वास्थ्य शिविर आयोजना गरेको छ ।
काठमाडौं डाइबेटिज एण्ड थाइराइड सेन्टरसँगको सहकार्यमा शिविर आयोजना गरेको अल्का अस्पतालले जनाएको छ । अस्पतालका अनुसार, शिविर बिहीबार बिहान साढे ९ बजेबाट अपराह्न ४ बजेसम्म चल्नेछ।
शिविरमा र्याण्डम ब्लड सुगर, एचबीएवान सी परीक्षणदेखि निःशुल्क औषधि वितरणसम्म गरिने अस्पतालले जनाएको छ ।
बिहीबार बिहानै अस्पतालले चेतनामूलक र्याली पनि निकालेको छ । अल्का अस्पतालबाट निस्किएको र्याली जावलाखेल, कुमारीपाटी, लगनखेल, मंगलबजार, पुल्चोक हुँदै पुनः अस्पताल परिसरमा आएर टुंगिएको थियो।
