१० मंसिर, काठमाडौं । तोकिएभन्दा बढी शुल्क लिने मेडिकल कलेज सहमतिमा नआए बुधबारबाट कारबाहीमा पर्ने भएका छन् ।
मंगलबार गृह मन्त्रालयमा बसेको बैठकले सहमतिमा नआए पक्राउ गरेर कारबाही गर्ने निर्णय गरेको हो ।
गृहमन्त्री रामबहादुर थापा ‘बादल’, शिक्षामन्त्री गिरिराजमणि पोखरेल, महान्यायाधिवक्ता अग्नि खरेल, प्रहरी महानिरीक्षक सर्वेन्द्र खनाललगायत सहभागी बैठकले मेडिकल कलेजसँग अन्तिम वार्ता गर्ने निर्णय गरेको सहभागी एक अधिकारीले अनलाइनखबरलाई बताए ।
ती अधिकारीका अनुसार मेडिकल कलेज सञ्चालकसँग मंगलबार नै शिक्षामन्त्री पोखरेलले छलफ गर्दैछन् । यसअघि सोमबार गृहमै बसेको बैठकले मेडिकल कलेजलाई शुल्क फिर्ता गर्न २४ घन्टे अल्टिमेटम दिएको थियो ।
तर, मेडिकल कलेजले भने रकम फिर्ता गर्न नसक्ने अडान राख्दै आएका छन् ।