१२ मंसिर, काठमाडौं । जिल्ला प्रहरी कार्यालय धादिङले १० वर्षदेखि फरार भएका एक जना अभियुक्तलाई पक्राउ गरेको छ ।
सिन्धुपाल्चोकको साविक कुन्चोक गाविस-९ घर भइ धादिङको गजुरी-६ आदमघाट बस्दै आएका ३७ वर्षीय रामजी बानियालाई पक्राउ परेका हुन् ।
बानियालाई जिल्ला अदालत धादिङको ०६६ मंसिर २ गतेको फैसलाले चोरी मुद्दामा ५ वर्ष ५ महिना १० दिन कैद सजाय सुनाएको थियो ।
बुधबार पक्राउ परेका बानियालाई बिहीबार जिल्ला अदालत धादिङले सजाय भुक्तानीका लागि धादिङकै कारागार चलान गरेको छ ।
