धरान उपमहानगरपालिकामा नेकपा र कांग्रेसबीच कडा प्रतिस्पर्धा

१५ मंसिर, काठमाडौं । धरान उपमहानगरपालिकाको मेयरका लागि भएको उपनिर्वाचनमा नेकपा र कांग्रेसबीच कडा प्रतिस्पर्धा देखिएको छ । ४ वडाको मतगणना सकिँदा नेकपा उम्मेदवारले कांग्रेस उम्मेदवारलाई झिनो मतले पछि पारेका छन् ।

जारी मतगणना अनुसार नेकपा उम्मेदवार प्रकाश राईले ४५७४ मत हासिल गरेका छन् । उनलाई कांग्रेस उम्मेदवार तिलक राईले कडा टक्कर दिइरहेका छन् । राईले  ५७ मत कम अर्थात ४५१७ मत हासिल गरेका छन् ।

धरान उपमहानगरपालिकाको १७, १८, १९ र २०  वडाको मतगणना सकिँदा  संघीय लोकतान्त्रिक राष्टिय मञ्च ले १६४ र संघीय समाजवादी १४३ मत पाएका छन् ।

अहिले उपमहानगरपालिकाको १६ वडाको मतगणना भइरहेको छ ।