श्रृङ्खलाको विश्वास–‘अनुष्काले ‘मिस वर्ल्ड’को ताज जित्नेछिन्’

‘मिस नेपाल वर्ल्ड’ अनुष्का श्रेष्ठ डिसेम्बर १४ मा आयोजना हुन लागेको ‘मिस वर्ल्ड’मा सहभागी हुन यतिबेला बेलायतमा छिन् । अनुष्काले विश्व सौन्दर्य प्रतियोगीताको ताज नेपाल ल्याउनेछिन् या के गर्नेछिन्, त्यो डिसेम्बर १४ मा थाहा हुनेछ ।

तर, ‘मिस नेपाल वर्ल्ड–२०१८’कि विजेता श्रृङ्खला खतिवडा भने अनुष्काले ताज घर भित्राउनेमा आशावादी देखिएकी छिन् । अनुष्काका लागि श्रृङ्खला लेख्छिन्–‘मलाई थाहा छ, यो धेरै नै चाडो हुनेछ तर मलाई अनुष्काले ताज घर भित्राउनेछिन् भन्ने महशुश हुन थालेको छ । यी स्मार्ट महिला हरेक गतिविधीमा चम्किएकी छिन् । अक्सफोर्ड यूनिभर्सिटीमा बोल्नका लागि उनलाई अडिसन चरणबाट चयन गरिएको थियो । अब, उनले शक्तिशाली रातो पोशाकमा हाउस अफ लड्र्समा एशिया महाद्धिपको प्रतिनिधित्व गर्नेछिन् ।’

यो पनि पढ्नुहोस

‘मिस वर्ल्ड’मा ‘भिजिट नेपाल’को प्रचार गर्दै अनुष्का

श्रृङ्खला अगाडि लेख्छिन्–‘मलाई मेरो अनुभवले पनि के भन्छ भने, म तिमीलाई यो भन्न चाहन्छु कि यी अवसरहरु तिम्रा लागि विशाल छन् । तिमी सबैको आखामा परिसकेकी छौ ।’

अनुष्कालाई आफूले ‘हेड टू हेड च्यालेन्ज, मल्टिमिडिया’ लगायतको अवार्डको विजेताको रुपमा देखिसकेको श्रृङ्खलाले लेखेकी छिन् । अनुष्कालाई श्रृङ्खलाले रातो रंग तिम्रो हो समेत भनेकी छिन् ।