१९ मंसिर, काठमाडाैं । १३ औं दक्षिण एसियाली खेलकुद (साग)को पुरुष फुटबलमा भुटानले अर्को सनसनपूर्ण जित निकालेको छ ।
बिहीबार भएको खेलमा भुटानले बलियो टोली माल्दिभ्सलाई २-१ गोल अन्तरले हराएको हो । यसअघि भुटानले बंगलादेशलाई पनि हराएको थियो ।
त्रिपुरेश्वरस्थित दशरथ रंगशालामा भएको खेलको पहिलो हाफ गोलरहित बराबरीमा सकिएको थियो । तर दोस्रो हाफमा भुटानले अग्रता लियो । उसका लागि ५५ औं मिनेटमा छिम्मी दोर्जेले गोल गरे । खेलको ८४ औं मिनेटमा फुब थिन्लेले अग्रता दोब्बर बनाए ।
खेलको अन्तिम मिनेटमा हाम्जा मोहम्मदले माल्दिभ्सका लागि गोल गरेपनि टोलीका हार टार्न सकेनन् ।
