२६ मंसिर, काठमाडौं । नेपाली राष्ट्रिय यू १९ महिला फुटबल टिमले बहराइनमा ३ मैत्रीपूर्ण खेल खेल्ने भएको छ । त्यसका लागि नेपाली टोली शुक्रबार बहराइन प्रस्थान गर्नेछ ।
नेपाल यू-१९ टिमले बहराइनको यू-१९ टिमसंगै ३ खेल खेल्ने एन्फाले जनाएको छ । २२ खेलाडीसहित बहारइन जाने २८ सदस्यीय टोलीलाई एन्फाले बिहीबार बिदाई गरेको छ ।
टिममा सिनियर राष्ट्रिय टिममा रहेका मिडफिल्डर सरु लिम्बु गोलकिपर उशा नाथ र फरवार्ड रेखा पौडलसमेत छन् । यू-१९ टिममा रहेका गोल किपर अन्जना राना मगर, डिफेण्डर पूजा राना र विमला विक तथा फरवार्ड रश्मी कुमारी घिसिङको स्थानमा भने चार नयाँ खेलाडी टिममा परेका छन् ।
नेपाली टिमको कप्तानी सरु लिम्बुले गर्नेछिन् भने टिमको मुख्य प्रशिक्षकमा हरिओम श्रेष्ठ रहेका छन् । नेपालले शनिबार बहराइनसँग पहिलो खेल खेल्नेछ ।
