४ पुस, सप्तरी । बलात्कार प्रयासको आरोपमा पक्राउ परेका सप्तरीको शम्भुनाथ नगरपालिका वडा नम्बर १२ का अध्यक्ष लक्ष्मी साहसहित तीन जना धरौटीमा रिहा भएका छन् ।

सप्तरी जिल्ला अदालतले तीनै जनालाई १५ हजार रुपैयाँ धरौटीमा रिहा गर्ने आदेश दिएको हो । जिल्ला अदालतका न्यायाधीश जवाहर प्रसाद सिंहको इजलासले उनीहरुलाई धरौटीमा रिहा गर्ने आदेश दिएको हो ।

यो पनि पढ्नुहोस बलात्कार आरोपित वडाध्यक्षलाई रिहा गर्न मुख्य चारदलको माग

आफूमाथि वलात्कार प्रयास गरेको भन्दै ३४ वर्षीया एक महिलाले दिएको उजुरीको आधारमा प्रहरीले वडा अध्यक्ष साहसहित तीन जनालाई पक्राउ गरी मुद्दा चलाएको थियो । वडा अध्यक्ष साहसहित सोही ठाउँका अनिल राय र मो. नसिमलाई मंसिर २२ गते प्रहरीले पक्राउ गरेको थियो । उनीहरु जनही १५ हजार धरौटीमा रिहा भएको अदालतले जनाएको छ ।

यो पनि पढ्नुहोस बलात्कारको आरोपमा वडाध्यक्ष पक्राउ

साह पक्राउ परेपछि उनको रिहाइको माग गर्दै शम्भुनाथ नगरपालिकाको कामकाज अनिश्चितकालका लागि बन्द गरिएको थियो भने मुख्य चार दलले उनी निर्दाेष रहेको भन्दै रिहा गर्न माग गरेको थियो ।