१४ पुस, काठमाडौं । रौतहटमा बसको ठक्करबाट सोमबार एक बालिकाको मृत्यु भएको छ ।
परोहा नगरपालिका-२ जिगडवा बेलबिछुवास्थित सडकमा ना.३ ख १४२८ नम्बरको बसको ठक्करबाट सोही ठाउँ बस्ने महमद अलिकी ५ वर्षीया छोरी सिधरा खातुनको मृत्यु भएको हो ।
बसको ठक्करबाट गम्भीर घाइते भएकी उनको सुकदेव चोकस्थित शिवदर्शन हस्पिटलमा उपचारको क्रममा मृत्यु भएको प्रहरीले जनाएको छ।
बस चालकलाई नियन्त्रणमा लिनुका साथै दुर्घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
