१८ पुस, काठमाडौं । जगदम्बा सिमेन्ट तथा शुभश्री जगदम्बा सिमेन्ट मिल्सले केही सञ्चार माध्यम तथा सामाजिक सञ्जालहरुमार्फत आफ्ना उत्पादनबारे विभिन्न भ्रमपूर्ण र कपोकल्पित लेख आएको प्रति गम्भीर ध्यानाकर्षण भएको जगदम्बा सिमेन्ट तथा शुभश्री जगदम्बा सिमेन्ट मिल्सले बताएको छ ।
जगदम्बा सिमेन्ट तथा शुभश्री जगदम्बा सिमेन्ट मिल्स्का उत्पादनहरु पिपिसि,ओपि सि तथापि एस सिसिमेन्टहरु नेपाल गुणस्तर चिन्ह (ने.गु.३८५, ने.गु.४९तथा ने.गु.३८४ ) तथा आईएसएओ ९००१ः २००८ बाट प्रमाणित भएको कम्पनीले स्मरण गराएको छ ।
कम्पनीका उत्पादनहरु आफ्नै सुविधा सम्पन्न प्रयोगशालामा दैनिक रासायनिक तथा भैतिक परीक्षण गरेर मात्र बजारमा बिक्रीका लागि पठाउने गरिएको कम्पनीले बताएको छ ।
साथै जगदम्बा सिमेन्ट नेपाल गुणस्तरद्वारा प्रदान गरिने गरिमामय क्वालिटी अवार्डमा लगातार तिन पटक लेटर अफ एपि्रसिएसनद्वारा सम्मानित भएको जानकारी दिइएको छ ।
‘हाम्रा उत्पादनहरु सदैव गुणस्तरीय रहेको र रहिरहने प्रतिबद्धता ब्यक्त गर्दै यस उद्योगसँग आबद्ध विक्रेता, डिलर, खरिदकर्ता तथा उपभोक्तहरुलाई उद्योगको उत्पादनहरुको गुणस्तरप्रति विश्वस्त हुन आग्रह गर्दै निर्धक्क रुपमा प्रयोग गर्न समेत विनम्र अनुरोध गर्दछौं ।’