२० पुस, काठमाडौं । स्वयम्भूमा सप्ताहव्यापी सांस्कृतिक कार्यक्रम शुरु भएको छ ।
विश्व सम्पदा क्षेत्र स्वयम्भूको ऐतिहासिकता, मौलिकता, धार्मिक सहिष्णुता र स्थानीय जातीय विविधताको प्रचार प्रसार गरी पर्यटन प्रवर्द्धन गर्ने उद्देश्यले शुरु गरिएको कार्यक्रम पुस २२ गतेसम्म सञ्चालन हुनेछ ।
स्वयम्भू जाउँ, नेपाल पर्यटन बर्ष मनाऔं’ नारासहित आयोजना गरिएको कार्यक्रम काठमाडौं महानगरपालिका वडा नम्बर १५ र महानगरीय प्रहरी वृत्तको संयुक्त आयोजनामा सञ्चालन भएको हो ।
महोत्सवमा विभिन्न समुदायको साँस्कृतिक भेषभूषा र ऐतिहासिक तस्वीर प्रदर्शनी र साँस्कृतिक कार्यक्रम गरिएको छ ।
तस्वीरहरु : सुशील अर्याल
