२२ पुस, वीरगञ्ज । प्रहरीले अवैध वित्तिय कारोबार (हुण्डी)मा संलग्न रहेको आरोपमा एक जना भारतीय नागरिकलाई पक्राउ गरेको छ । भारत बिहार जिल्ला मोतिहारी पूर्वी चम्पारण रक्सौल बस्ने ४९ वर्षीय राजु कुमार श्रीवास्तव पक्राउ परेका हुन् ।
वीरगञ्ज–१६ रजतजयन्ती चोकबाट मंगलबार दिउँसो पक्राउ परेका श्रीवास्तवको साथबाट ४ लाख ४५ हजार नेपाली रुपैयाँ बरामद भएको जिल्ला प्रहरी कार्यालय पर्साले जनाएको छ ।
बीआर ०१ सिके ९७९६ नम्बरको स्कुटरमा भारत रक्सौलबाट वीरगञ्जतर्फ आउँदै गरेको उनले रकमको स्रोत खुलाउन नसकेको जिल्ला प्रहरी कार्यालय पर्साका प्रवक्ता डीएसपी विरेन्द्र शाहीले जानकारी दिए । उनलाई आवश्यक कारबाहीका लागि जिल्ला प्रहरी कार्यालय पर्सामा राखिएको छ ।
