यसैगरी २०१८ मा ईपीएल खेलिसकेका आयरल्याण्डका केभिन ओब्रायन र पउल स्ट्रलिङ नेदरल्याण्ड्सका रायन टेन डेसकाटे  पउल भान मिकेरेन स्कटल्याण्डका कायल कोएत्जर दक्षिण अफ्रिकाका रिचर्ड लेभी इंग्ल्याण्डका पउल कघलिन र जोन सिम्पसन अनी युएईका रोहन मुस्ताफा र हङकङका बाबार हायतको नाम पनि ईपीएलको वेबसाइटमा छ ।

तर ईपीएलको आयोजकले केही दिनअघि मात्र २०१८ को इपीएल देखि २०२० को ईपीएलको बीचमा नेपालमा अन्य  लिग खेलेका विदेशील यस सिजन खेल्न नपाउने नियम लगाएपछि मुस्ताफा र हायतले भने खेल्न नपाउने भएको छ । तर उनीहरुको नाम भने वेबसाइटमै छ ।

ईपीएलसहित नेपाल धनगढी प्रिमियर लिग र पोखरा प्रिमियर लिग पनि हुँदै आएको छ । पोखरामा केही समयअघि भएको पोखरा प्रिमियर लिगको दोस्रो संस्करणमा मुस्ताफा र हायात दुवैले चितवन राइनोजबाट खेलेका थिए । चितवन अपराजित रहँदै च्याम्पियन बन्दा मुस्ताफा प्लेअर अफ दि सिरिज बनेका थिए ।

चौथो संस्करणको इपीएल चैत १ देखि १५ गतेसम्म काठमाडौंको कीर्तिपुरसथित टीयू मैदानमा सञ्चालन हुँदैछ । जसमा नेपाल क्रिकेट संघले स्वीकृत गरिसकेको आयोजकले जनाएको छ । ईपीएलमा सावित विजेता ललितपुर प्याट्रिओट्ससहित काठमाडौं किंग्स ११, भैरहवा ग्लाडिएटर्स, पोखरा राइनोज, चितवन टाइगर्स र विराटनगर वारियर्स गरी ६ टिमले प्रतिस्पर्धा गर्नेछन् ।