२७ पुस, बुटवल । कपिलवस्तुमा रहेको बुद्धकालीन महत्त्वको अरौराकोटमा पूर्णिमा उत्सव मनाइएको छ । प्रदेश ५ सरकारको उद्योग, पर्यटन, वन तथा वातावरण मन्त्रालयले पुस पूर्णिमाका अवसरमा पूर्णिमा उत्सव मनाएको हो ।
कपिलवस्तुको कपिलवस्तु नगरपालिका–११, अरौराकोटमा रहेको यो ठाउँलाई कनकमुनि बुद्धको दरबारस्थल तथा जन्मभूमि मानिन्छ । कनकमुनिलाई सिद्धार्थ गौतम बुद्ध भन्दा पहिलाका बुद्ध मानिन्छ । उनै बुद्धको दरबार (राजप्रासाद) रहेको स्थलमा पहिलोपटक प्रदेश सरकारको मन्त्रालयले पूर्णिमा उत्सव दिवस मनाएको हो ।
पूर्णिमा उत्सवका अवसरमा दीप प्रज्वलन गरिएको थियो । हरेक पूर्णिमाका अवसरमा पर्यटन मन्त्रालयले बुद्धकालीन महत्त्वका सबै स्थलहरुमा उत्सव मनाउँदै आएको छ ।
