३ माघ, गुल्मी । दुई दिनदेखि लगातार परेको वर्षाले रिडीमा आयोजित रुरु महोत्सव प्रभावित भएको छ ।
वर्षाले खोलामा पानी बढेपछि स्टलहरुमा पानी पसेर केही सामग्री बगाएको स्थानीय चिरन्जीवी ज्ञवालीले बताए । खोलाको किनारमा रहेका होटलहरुका केही स्टलका सामग्रीहरुमा क्षति पुगेको छ ।
पानी रोकिएपछि मात्रै त्यस स्थानका स्टलहरुलाई व्यवस्थापन गरिने आयोजकले बताएको छ । तीन जिल्लाको संगमस्थल ऐतिहासिक क्षेत्र धाम गुल्मीको रुरुस्थित रिडीमा १४ वर्षपछि दोश्रो रुरु महोत्सव सुरु भएको थियो ।
०६२ सालमा पहिलो महोत्सव आयोजना गरिएको थियो । तर विभिन्न कारणले महोत्सव गरिएको थिएन् ।
रुरु क्षेत्र गाउँपालिका-१ मा गुल्मी उद्योग बाणिज्य संघ रिडी शाखाले आयोजना गरेको महोत्सवको मंगलबार -गत पुस २९) गते परराष्ट्रमन्त्री प्रदीपकुमार ज्ञवालीले उद्घाटन गरेका थिए ।
