काठमाडौं । नयाँ दिल्लीमा २०१२ मा भएको सामूहिक बलात्कार घट्नाका दोषीहरूको मृत्युदण्ड दश दिन पर सरेको छ । पाटीयाला अदालतले १८ माघका लागि ‘डेथ वारेन्ट’ जारी गरेको छ ।
अदालतले दोषी ठहर गरेका अक्षय सिंह, विनय शर्मा, पवन गुप्ता र मुकेश सिंहलाई बिहान ६ बजे फाँसी दिइने भएको छ ।
दोषी मध्येका मुकेश सिंहले दिएको जीवन रक्षाको अपील राष्ट्रपति रामनाथ कोविदले शुक्रबार खारेज गरेपछि उनीहरूको मृत्यदुण्ड निश्चित भएको हो । सिंहको त्यही अपीलकै कारण ८ माघका लागि घोषित मृत्यदण्डको मिति सरेको हो ।
मुकेश सिंहका दाजु राम सिंहले हाँकीरहेको बसमा १६ डिसेम्भर २०१२ राती निर्भयामाथि सामूहिक बलात्कार भएको थियो । निर्भयाको मृत्यु भइसकेको छ ।
राम सिंहले २०१३ मा तिहाड जेलका आत्महत्या गरिसकेका छन् । दोषी मध्येका एक जनालाई भने घट्नाका बेला वालिग नभएकाले सुधार गृहमा पठाइएको छ ।
