५ माघ, विराटनगर । प्रदेश १ का प्रवक्ता एवम् आन्तरिक मामिला तथा कानूनमन्त्री हिक्मत कार्कीले केन्द्र सरकारले गरेका गलत अभ्यासहरुलाई हुबहु नक्कल गरी प्रदेशमा लागू नगर्ने बताएका छन् ।
संघले खडा गरेका जस्तै आयोग र संरचना खडा गरी कार्यक्रम कार्यसम्पादन गर्न नसकिने भन्दै मन्त्री कार्कीले यस्ता खालका कुनै संरचना प्रदेशमा निर्माण नगरिने बताएका हुन् ।
नेपाल बुद्धिजीवी परिषदले आतबार विराटनगरमा आयोजना गरेको अन्तरक्रियामा मन्त्री कार्कीले भने, ‘केन्द्रमा बनेका कति आयोगहरु, कति कार्यालय, नँया संरचनाहरु काम काज नभएर निकम्मा भएको अवस्था छ । त्योचाहिँ प्रदेशले सिक्दैन र कार्यान्वयको अभ्यासमा लैजादैन् ।’
उनले संघमा भएका राम्रा कामको अभ्यास गरिने तर माथिका गतल अभ्यासलाई आत्मासाथ नगर्ने पक्षमा प्रदेश सरकार अडिग रहेको दाबी गरे ।
उनले संघमा भएको गतल अभ्यासका कारण नै हाम्रो पुजीगत खर्च र विकासतर्फको बजेट वर्षेनी घटिरहेको बताए ।
वर्षेनी पुजीगत खचै र विकास बजेट घटिरहेको अवस्थामा साधारण खर्च बढ्ने गरी नँयानँया संरचना बनाएर जिम्मा दिने कुरा सम्भव नरहेको उनले प्रष्ट पारे ।
मन्त्री कार्कीले भने, ‘जसले उत्पादन दिदैन, त्यो गर्नु हुँदैन ।प्रदेश सरकारको मान्यता नै यही रहनेछ ।’
