संसदमा अग्नि सापकोटालाई बधाई (फोटो फिचर)

६ माघ, काडमाडौं । उपसभामुख डा. शिवमाया तुम्बाहाङफेले सोमबार प्रतिनिधिसभालाई सम्बोधन गर्दै राजीनामा दिइन् ।

नेपाल कम्युनस्टि पार्टी (नेकपा) का अध्यक्ष केपी शर्मा ओली र पुष्पकमल दाहाल प्रचण्डले सभामुखको उम्मेदवारको टुंगो लगाएसँगै उनले राजीनामा दिएकी हुन् ।

शिवमायाको राजीनामासँगै सभामुख चयन प्रक्रिया पनि सुरु हुँदैछ । नेकपाले अग्नि सापकोटालाई उम्मेदवार बनाएको छ । उम्मेदवार बन्ने वित्तिकै सापकोटाले बधाई पाइरहेका छन् ।

सोमबार प्रतिनिधिसभा बैठकमा सहभागी भएका सापकोटालाई बैठककै क्रममा सांसदहरुले बधाई दिइरहेका थिए । सापकोटा पालैपालो हात मिलाउँदै बधाई स्वीकार गरिरहेका थिए ।

सभामुखको चुनाव यही माघ १२ मात्रै हुँदै छ ।