२०७६ माघ ९ गते १८:५७ 
९ माघ, काठमाडौं । तेस्रो एकदिवसीयमा ५ विकेटको जितसँगै नेपालले मलेसियाविरुद्धको मैत्रिपूर्ण सिरिज क्लिन स्वीप गरेको छ ।
पोखरामा मलेसियाको टोलीले दिएको १५८ रनको लक्ष्य नेपालले २३.५ ओभरमा ५ विकेट गुमाएर भेट्टायो ।
नेपालको सुरुवात भने निकै खराब थियो । कुशल भुर्तेल शून्य र सुनिल धमला मात्र ५ रनमा आउट भएपछि नेपालले कुल ६ रन जोड्दा दुई विकेट गुमाइसकेको थियो ।
तर रोहितकुमार पौडेलले उत्कृष्ट पारे खेले । उनले दीपेन्द्र सिंह ऐरीसँग ६९, लोकेश बम र विनोद भण्डारीसँग समान ३९ रनको साझेदारी गरे । उनी ८१ रन बनाएर आउट भए । विनोद भण्डारी ५ र कुशल मल्ल १ रनमा अविजित रहे ।
यसअघि पहिले ब्याटिङ गरेको मलेसियाले ४३.४ ओभरमा सबै विकेट गुमाएर १५७ रन बनाएको थियो । उसका लागि भूषण विलास सेवले सर्वाधिक ३० रन बनाए ।
नेपालका लागि विनाश बोहोराले ३ विकेट लिँदा ललितनारायण राजवंशी र कुशल मल्लले समान २/२ विकेट लिए ।
प्रतिक्रिया 4