१० माघ, काठमाडौं । राष्ट्रिय पुनर्निर्माण प्राधिकरणको भोजपुर शाखामा कार्यरत सब-इन्जिनियर प्रकाश तिवारी घुससहित पक्राउ परेका छन् ।
भूकम्पपीडितको पूनर्निमित घरको निर्माण सम्पन्न रिपोर्ट बनाइदिए बापत सेवाग्राहीसँग ६ हजार रुपैयाँ घुस लिएको आरोपमा अख्तियार दुरुपयोग अनुसन्धान आयोग इटहरीको टोलीले उनलाई पक्राउ गरेको हो ।
उनलाई भोजपुर नगरपालिका ७ स्थित प्रधान होटलबाट रकमसहित नियन्त्रणमा लिई अनुसन्धान सुरु गरिएको अख्तियारका प्रवक्ता प्रदीपकुमार कोइरालाले जानकारी दिए ।
