नायिका स्वस्तिमा खड्काको आजसम्मको करिअरमा सर्वाधिक धेरै प्रशंसा बटुल्न सफल चलचित्र ‘बुलबुल’ले विदेशमा आयोजना भएका विभिन्न महोत्सवमा पनि अवार्ड प्राप्त गरिरहेको छ ।
यसैविच, यो चलचित्रले फ्रान्समा ५ दिनसम्म चलेको ‘साउथ एसियन फिल्म फेस्टिभल’मा ‘पब्लिक च्वाइस अवार्ड’ जितेको छ । आइतबार बेलुकी घोषणा भएको अवार्ड समारोहमा विनोद पौडेल निर्देशित चलचित्रले दर्शकको रोजाइको चलचित्रको अवार्ड प्राप्त गरेको हो ।
निर्देशक पौडेल नायिका स्वस्तिमा खड्काको साथमा यो अवार्डमा सहभागी हुन फ्रान्स पुगेका छन् । तीन विधामा बाँडिएको अवार्डमा २ विधामा भने भारतीय चलचित्रकर्मीले अवार्ड प्राप्त गरेका छन् ।
निर्देशक पौडेलका अनुसार, दर्शकले नायिका स्वस्तिमा खड्काको अभिनयलाई खुबै रुचाएका िथए ।
‘बुलबुल’ले यसअघि नेपालमै दुई राष्ट्रिय अवार्ड र सार्क फिल्म फेस्टिभलमा एउटा अवार्ड पाइसकेको छ ।
