२५ माघ, काठमाडौं । झापाको मेचीनगर नगरपालिका–६ स्थित भन्सार ढाटबाट लागूऔषधसहित एक जना पक्राउ परेका छन् ।
पक्राउ पर्नेमा दमक नगरपालिका–२ का २१ वर्षीय मुस्कान फुयाल छन् ।
सशस्त्र प्रहरी बल झापाबाट खटिएको टोलीले उनको साथबाट ६० थान फेनारगन, ६० थान डाइजापाम र ६० थान लुपिजेसिक बरामद गरेको छ ।
फुयाललाई बरामद गरिएका लागूऔषधसहित आवश्यक कारबाहीको लागि स्थानीय प्रहरीमा बुझाइएको सशस्त्र प्रहरीका प्रहरी नायव उपरीक्षक अजय छतकुलीले जानकारी दिए ।
