बलिउड नायिका अनन्या पाण्डेले यो बर्ष मात्र ‘फिल्मफेयर अवार्ड’ जितिन् । उनले चलचित्र ‘स्टूडेन्ट अफ दि इयर’बाट नव–नायिकाको अवार्ड प्राप्त गरेकी हुन् ।
अनन्याको क्रेज बलिउडमा अहिले ह्वात्तै बढेको छ । एकपछि अर्को चलचित्रमा उनलाई ठूला कम्पनीले अनुवन्धित गरिरहेका छन् । यसैविच, उनी अब साउथका सुपरस्टार विजय देभेराकोन्डाको जोडी बनेर देखिने पक्का भएको छ ।
अहिलेसम्म नाम फाइनल नगरिएको यो चलचित्रलाई हिन्दी र अन्य विभिन्न भाषामा रिलिज गर्ने तयारी यसको निर्माणपक्षको छ । यो चलचित्रमा बलिउड निर्माता करण जोहरको पनि लगानी रहनेछ ।
बलिउडमा करणलाई परिवारवादको आरोप लाग्ने गरेको छ । उनी, एकपछि अर्का बलिउड कलाकारको सन्तानलाई बलिउडमा प्रमोट गरिरहेका छन् । अहिले उनले बलिउडमा अनन्यालाई स्थापित गर्ने लय लिइरहेका छन् ।
