नायिका स्वेता खड्काले गोदावरी नगरपालिकाको छम्पीमा नेशनल क्यान्सर अस्पतालको शिलन्यास गरेकी छिन् ।आज नायिका खड्कासहित विभिन्न व्यक्तिहरुले संयुक्त रुपमा अस्पतालको शिलन्यास गरेका छन् । नायिका खड्काले क्यान्सर अस्पतालको शिलन्यास गर्न पाउँदा आनन्दको महशुश समेत भएको उल्लेख गरेकी छिन् ।
क्यान्सरका कारण आफूले जीवनसाथी श्रीकृष्ण श्रेष्ठ र भिनाजुलाई गुमाएको भन्दै उनले आफू लामो समयदेखि क्यान्सर रोगविरुद्ध मानसिक युद्द समेत लडिरहेको उल्लेख गरेकी छिन् । उनले, विगत ५ बर्षदेखि क्यान्सर अस्पताल निर्माण गर्ने धोको राखेको बताउँदै अब त्यो पुरा हुने बाटोमा गएको उल्लेख गरेकी छिन् । उनले, यो अस्पताल निर्माण भएपछि क्यान्सर पीडितहरुले स्वच्छ रुपमा सेवा पाउने समेत विश्वास व्यक्त गरेकी छिन् ।
नायिका खड्काले केही बर्षमै अस्पताल निर्माण हुने समेत बताइन् । नायिका खड्काका श्रीमान् नायक श्रीकृष्ण श्रेष्ठको क्यान्सर रोगकै कारण केही बर्ष अगाडि निधन भएको थियो ।
