१३ चैत, जनकपुरधाम । कोरोना भाइरस (कोभिड–१९) को संक्रमण फैलिन नदिन सरकारले सोमबारदेखि लकडाउन घोषणा गरेको छ र सबै नागरिकलाई आफ्नो घरमा बस्न आग्रह गरेको छ ।
तर ठाउँठाउँमा सर्वसाधारणले अवज्ञा पनि गरेका छन् ।
धनुषाबाट तेस्रो दिन पनि लकडाउनको अवज्ञा गरेको आरोपमा प्रहरीले ६६ जनालाई पक्राउ गरिएको छ । धनुषा प्रहरीका प्रवक्ता एवं डीएसपी रामेश्वर कार्कीकाअनुसार एक बस, दुई वटा अटो रिक्सा र २० वटा मोटरसाइकलसहित ६६ जनालाई पक्राउ गरिएको हो ।
उनीहरु सबैलाई प्रति व्यक्तिसँग एक सय रूपैयाँका दरले जरिवाना लिएर छाडिएको डीएसपी कार्कीले बताए ।
लकडाउनको उल्लंघन गर्ने सबारीसाधनहरु भने आवश्यक कार्वाहीका लागि प्रहरी कार्यालयमा राखिएको छ ।
