१४ चैत, चितवन । पूर्वी नवलपरासीको मध्यविन्दु नगरपालिका–७, चोरमाराको भित्री सडकमा मोटरसाइकल दुर्घटना हुँदा एक जनाको मृत्यु भएको छ । २ जना घाइते छन् ।
चोरमारादेखि उत्तर अम्रसातर्फ जाँदै गरेको ना ४३ प २९८ नम्बरको मोटरसाइकल दुर्घटना हुँदा सोही स्थानका २८ वर्षीय भोजबहादुर महतोको मृत्यु भएको प्रहरीले जनाएको छ ।
गम्भीर घाइते महतोलाई चितवनको पुरानो मेडिकल कलेज भरतपुर पुर्याइएकोमा त्यही उपचारको क्रममा उनको निधन भएको प्रहरीले जनाएको छ ।
दुर्घटनामा मोटरसाइकलको पछाडि सवार ३० वर्षीय बुद्धिराम महतो र मोटरसाइकल चालक ४२ वर्षीय यमबहादुर पौडेल घाइते भएका छन् । दुवै जनाको अहिले उपचार भइरहको प्रहरीले जनाएको छ ।
एउटै मोटरसाइकलमा तीन जना सवार भएकाले अनियन्त्रित भई दुर्घटना भएको हुनसक्ने अनुमान प्रहरीले गरेको छ ।
