१६ चैत, रौतहट । रौतहटमा भारतलगायत अन्य मुलुकबाट फर्किएका ८२ जनालाई क्वारेन्टाइनमा राखिएको छ । कोरोना भाइरस (कोभिड-१०) को रोकथाम तथा नियन्त्रणका लागि विभिन्न स्थानीय तहले निर्माण गरेको क्वारेन्टाइनमा उनीहरुलाई राखिएको रौतहटका प्रमुख जिल्ला अधिकारी वासुदेव घिमिरेले बताए ।
बाह्य मुलुकबाट फर्किएका व्यक्तिहरुलाई परिवार र समाजबाट अलग गरी सुरक्षित तबरले क्वारेन्टाइनमा बस्ने व्यवस्था मिलाइएको घिमिरेले बताए ।
रौतहटका विभिन्न स्थानीय तहले अलग-अलग स्थानमा २१ वटा भवनमा कुल पाँच सय १८ बेडको क्वारेन्टाइन निर्माण गरेको छ । क्वारेन्टाइनमा रहेका ८२ जनामध्ये एक जना महिला समेत रहेको प्रजिअ घिमिरेले बताए ।
