१७ चैत, काठमाडौं । भक्तपुर नगरपालिकाले मूल सडक तथा चोकमा तरकारी राखेर बेच्न पूर्ण प्रतिबन्ध लगाएको छ ।
कोरोना भाइरस (कोभिड १९) को जोखिमलाई मध्यनजर राख्दै नगरपालिकाले प्रत्येक वडामा तरकारी बजारका लागि स्थान तोकेसँगै सडक किनारा र चोकमा तरकारी बेच्न प्रतिबन्ध लगाएको हो ।
चैत्र १९ गतेदेखि लागू हुनेगरी दत्तात्रय चोकदेखि वंशगोपालसम्मको मूल सडक र चोकमा तरकारी बजार राख्न पूर्ण निषेध गर्ने निर्णय भएको नगर प्रमुख सुनिल प्रजापतिले जानकारी दिए ।
नगर कार्यपालिकाको सोमबार बसेको बैठकले अत्यावश्यक कार्यका लागि एक घरबाट एक जना मात्र बाहिर निस्कन सकिने गरी वडा कार्यालय मार्फत् अनुमति पत्र वितरण गर्ने निर्णय समेत भएको उनले बताए ।
नगरपालिकाले तरकारी बजारका लागि तोकेका स्थानहरुः-
वडा तरकारी बजार राखिने स्थानहरु:-
१ वडा कार्यालय अगाडिको बसपार्क क्षेत्र
२ नःपुखुको उत्तरतर्फको खुला ठाउँ, ठूलो व्यासी, सानो व्यासी
३ तापालाछी, कोलाछेँ, देगमना, खौमा
४ गःहिटी, तालाक्व, भुलाँचा
५ खलाँ ल्योसिँख्यो, त्रिपुरासुन्दरी
६ चोेछेँ, भोलाछेँ चौबाटो, देकोचा
७ वाँचु टोल, याता, जगाति चोक
८ लिवाली (ख्वप इन्जिनियरिङ कलेज जाने चोक), जेलाँ
९ याताछेँ, वाँचु हिटी
१० लाँचा फल्चा, महालक्ष्मी मन्दिर वरपर, कमलविनायक पोखरीको दक्षिणतिर
