१९ चैत, जनकपुरधाम । संघीय सरकारको स्वास्थ्य तथा जनसंख्या मन्त्रालयले प्रदेश २ सरकारलाई कोरोना भाइरस रोकथामका लागि पठाएको सामग्री जनकपुरधाम आइपुगेको छ ।
ट्रकमार्फत ल्याइएको ती सामग्रीमा कोरोना संक्रमणको परीक्षण गर्ने उपकरण भने छैन । केन्द्र सरकारले पठाएका सामग्री सामाजिक विकास मन्त्रालय अन्तर्गत प्रदेश स्वास्थ्य आपूर्ति व्यवस्थापन केन्द्रमा राखिएको छ ।
मन्त्रालयले प्रदेश २ लाई १० हजार थान सर्जिकल मास्क, ४ सय थान एन–९५ मास्क, २० हजार थान पञ्जा, १० थान थर्मल गन र स्वास्थ्यकर्मीले लगाउने १ हजार थान व्यक्तिगत सुरक्षा सामग्री (पीपीई) पठाएको व्यवस्थापन केन्द्रका सहनिर्देशक श्रवण नायकले जानकारी दिए ।
उनले पाँच किसिमको कोरोनाविरुद्वको उपकरण केन्द्रमै राखिएको र मन्त्रिपरिषद्को निर्णय अनुसार प्रदेशका जिल्लाहरुमा पठाउने बताए ।
संघीय सरकारले कोरोना जाँच गर्ने मेसिन पनि यहाँ पठाउने आफूले सुनेको बताउँदै नायकले ती मेसिनसहित अन्य उपकरणपछि आउने जानकारी पाएको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4