२० चैत, सप्तरी । कोरोना भाइरस (कोभिड–१९) फैलाइएको भनिएको भारतको दिल्ली जमातमा सहभागी भएर फर्किएका ८ व्यक्तिको स्वाब परीक्षणका लागि पठाइएको छ ।
घरमा लुकेको अवस्थामा फेला परेका उनीहरूको स्वाब परीक्षण गरेर धरान पठाइएको छ । त्यस्तै कतारबाट फर्किएका अर्का १ व्यक्तिको पनि स्वाब परीक्षणका लागि पठाइएको छ ।
गजेन्द्रनारायण सिंह सगरमाथा अञ्चल अस्पतालका मेडिकल सुपरिटेन्डेन्ट डा. चुमनलाल दासले नौ जनाकै स्वाब परीक्षणका लागि बीपी कोइराला स्वास्थ्य विज्ञान प्रतिष्ठान धरान पठाइएको जानकारी दिए । डा. दासका अनुसार, उनीहरूको रिपोर्ट आउन तीन दिन लाग्ने छ ।
जमातबाट फर्केर ८ जना राजविराज नगरपालिकाको र कतारबाट आएका व्यक्ति तिलाठी कोइलाडी गाउँपालिकाको रहेको बताइएको छ । उनीहरू सबैलाई अहिले क्वारेन्टाइनमा राखिएको छ ।
