२८ चैत, काठमाडौँ । सर्वोच्च अदालतले देशमा उत्पादकत्वको अवस्था बिग्रन नदिई उत्पादकत्व बढाउने उपाय अवलम्बन गर्न सरकारको ध्यानाकर्षण गराएको छ ।
न्यायाधीश ईश्वरप्रसाद खतिवडा र हरिप्रसाद फुयाँलको संयुक्त इजलासले बिहीबार कोभिड-१९ को संक्रमणको कारणबाट असहज परिस्थिति देखा परेको हुँदा यस्तो अवस्थामा उत्पादकत्व बढाई शिक्षा, स्वास्थ्य, रोजगारीलगायत क्षेत्रमा लगानी गर्न सरकारको ध्यानाकर्षण गराएको हो ।
आदेशमा भनिएको छ, “सरकारसम्बद्ध निकायको तत्काल गम्भीर ध्यानाकर्षण हुनुपर्छ र जनताको अधिकतम हित, शिक्षाको अवसर वा जनस्वास्थ्यको प्रत्याभूति, उत्पादकत्वमा वृद्धि गर्नेसहित आमसञ्चार क्षेत्रको संरक्षणका लागि आवश्यक प्रवर्द्धनकारी कार्यक्रम सञ्चालन गरिनुपर्छ ।”
अधिवक्ता अनन्तराज लुइँटेल र प्रतिभा उप्रेतीले राज्यको उत्पादकत्व बढाउन बैङ्कको ऋण मिनाहा गर्न कृषि क्षेत्रलाई ध्यान र विद्यार्थीलाई अनलाइन पढाइको आदेश दिन माग गरी रिट निवेदन दायर गरेका थिए ।
सरकारी विज्ञापन समानरुपमा सञ्चारमाध्यमलाई वितरण गर्न मिल्ने हो वा होइन भन्नेबारेमा लिखितरुपमा खुलाई बाटोको म्यादबाहेक १५ दिनभित्र महान्यायाधिवक्ताको कार्यालयमार्फत पेश गर्न आदेशमा भनिएको छ ।
विद्यालय हाल बन्द भएका कारण बच्चालाई घरमा नै बसेर अनलाइन पढ्ने व्यवस्था गराउनका लागि सरकारलाई आदेश दिन रिट निवेदनमा माग गरिएको थियो ।
रिट निवेदनमा भविष्यमा खाद्यान्नको बीउबिजनको अभाव हुने देखिएकाले त्यसलाई बचाउनका लागि उचित कार्यक्रम ल्याउनको लागि सरकारका सम्बन्धित निकायलाई आदेशको माग गरिएको थियो।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4