३० चैत, काठमाडौं । बेलायती प्रधानमन्त्री बोरिस जोन्सन अस्पतालबाट डिस्चार्ज भएका छन् ।
कोरोना भाइरस (कोभिड–१९) को संक्रमणका कारण लण्डन अस्पतालमा उपचार गराइरहेका उनको स्वास्थ्यमा सुधार भएसँगै आइतबार डिस्चार्ज भएको उनको कार्यालयले बताएको छ ।
उनको कार्यालयका प्रवक्ताले दिएको जानकारी अनुसार अहिले जोन्सनलाई उपचार गराइरहेका डक्टरहरुले उनलाई तत्काल काममा भने नफर्किन सुझाव दिएका छन् ।
जोन्सनले आफ्नो उपचारमा सहयोग सबैलाई धन्यवाद दिएका छन् । गत आइतबार अस्पताल भर्ना भएका जोन्सनलाई सोमबार आईसीयूमा भर्ना गरिएको थियो । स्वास्थ्यमा क्रमिक सुधार आएसँगै उनलाई बिहीबार आईसीयूबाट वार्डमा सारिएको थियो ।