बलिउड नायक अजय देवगण र नायिका इलियाना डिक्रुजको मुख्य भूमिका रहेको चलचित्र ‘रेड’ रिलिज भएको २ वर्ष भयो ।
यो चलचित्र बक्स अफिसमा सफल भएको थियो । नायक देवगणको करिअरका लागि पनि यो चलचित्र महत्वपुर्ण मानिन्छ । उक्त चलचित्र रिलिज भएको २ वर्षपछि यसको सिक्वेल बन्ने भएको छ ।
टिसिरजका मालिक भुषण कुमारले अजयसँग ‘रेड र तान्हाजी’को निर्माणमा हातेमालो गरेका थिए । अब, उनले ‘रेड २’को निर्माणमा पनि हातेमालो गर्ने तयारी गरेका छन् । यो चलचित्रले पनि बर्दी नलगाएका राष्ट्र सेवकहरुको कथालाई भन्नेछ ।
भुषण कुमारले भारतीय मिडियालाई दिएको जानकारी अनुसार, अजयसँग उनको सिक्वेलमा सम्झौता भइसकेको छ । चलचित्रको कथा अहिले तयार भइरहेको छ ।
