२२ वैशाख, काठमाडौं । बंगलादेशमा कोरोना भाइरस (कोभिड-१९) बाट संक्रमित हुनेको संख्या १० हजार नाघेको छ ।
बंगलादेशको स्वास्थ्य मन्त्रालयले दिएको जानकारी अनुसार अहिलेसम्ममा कोरोना भाइरसबाट संक्रमित हुनेको संख्या १० हजार एक सय ४३ पुगेको हो । पछिल्लो २४ घण्टामा बंगलादेशमा छ सय ८८ नयाँ संक्रमित फेला परेका हुन् ।
त्यस्तै, बंगलादेशमा कोरोना भाइरसबाट मृत्यु हुनेको संख्या पनि एक सय ८२ पुगेको छ । पछिल्लो २४ घण्टामा बंगलादेशमा पाँच जनाको मृत्यु भएको छ ।
मन्त्रालयका अनुसार पछिल्लो केही दिनयता बंगलादेशमा तीव्र गतिमा कोरोना भाइरसको संक्रमण बढ्दो क्रममा छ ।
स्रोत : अलजजिरा