३१ वैशाख, काठमाडौं । नेपाल एयरलाइन्सका २४ जना पाइलटको कोरोना परीक्षण गरिएको छ। क्याप्टेन विजय लामाका अनुसार मंगलबार टेकु अस्पतालमा गरिएको आरडीटी परीक्षणमा सबै पाइलटको नतिजा नेगेटिभ आएको छ ।
नेपाल एयरलाइन्सले पछिल्लो समय यात्रु तथा कार्गो उडानका दौरान चार्टर्ड उडानहरू गरिरहेको छ । यस परीक्षणले थप सुरक्षित महसुस गराएको उनले बताएका छन्।
लकडाउन तथा अन्तर्राष्ट्रिय हवाई उडानमा प्रतिबन्ध लागेयता नेपाल एयरलाइन्सले मात्र करिब एक दर्जन चार्टर्ड उडान गरिसकेको छ।