Comments Add Comment

किरा फट्यांग्राका लागि पनि मास्क बनाउँदै रुसी कलाकार

१९ जेठ, काठमाडौं । कोरोना भाइरस (कोभिड–१९) को कारण अहिले विश्वभरका मानिसहरुमा स्वास्थ्य सतर्कताका उपाय अपनाउने बानीको विकास भएको छ ।

अहिले घरबाट बाहिर निस्किँदा धेरै मानिसहरुले मास्क लगाएर निस्किने गर्छन् । मानिस बाहेक अन्य जीवजन्तुहरुको सुरक्षाको लागि पनि मास्क आवश्यक हुन्छ होला ? यो प्रश्न सुन्दा धेरैलाई वाहियात लाग्नु स्वाभाविक हो । तर, रुसका एक कलाकारले भने स–साना कीराहरुको सुरक्षाका लागि भन्दै सुक्ष्म मास्क निर्माण गरिरहेका छन् ।

रुसी कलाकार एनाटोली कोनेकोले अहिले बारुलो, फट्यांग्रा, ड्र्यागनफ्लाई (गाइने किरा) र गंगटोका लागि उपयुक्त हुने मास्क बनाइरहेका छन् । उनले कीराहरुलाई पनि बचाउनु आवश्यक रहेको सन्देश दिन यस्तो मास्क निर्माण गरिरहेको बताएका छन् ।

उनले अहिलेको कठिन समयमा मानिसहरुले मानिसहरुलाई मात्र कसरी बचाउने भन्ने विषयमा नभई जनावरहरु र कीराहरुको सुरक्षाको विषयमा पनि ध्यान दिनुपर्ने बताएका छन् । उनी भन्छन्, ‘त्यसैले मैले कीराहरुलाई पनि बचाउनु जरुरी छ भन्ने सन्देश दिन केही मास्कहरु बनाइरहेको छु ।’ मानिसहरुले उनीहरुलाई पनि बिर्सिनु नहुने उनको धारणा छ ।

कोनेको सुक्ष्म सामग्री निर्माणको क्षेत्रमा चर्चित व्यक्ति हुन् । उनले यसअघि सबैभन्दा सानो किताब बनाएर गिनिज बुकमा आफ्नो नाम दर्ता गरिसकेका छन् ।

हेर्नुहोस् यो भिडियो

यो खबर पढेर तपाईलाई कस्तो महसुस भयो ?

ट्रेन्डिङ

Advertisment