२१ जेठ कैलाली । कैलालीको जोशिपुरमा करेन्ट लागेर एकजनाको मृत्यु भएको छ । जोशीपुर गाउँपालिका ४ का ३६ वर्षीय शेषकुमार चौधरीको करेन्ट लागेर मृत्यु भएको जिल्ला प्रहरी कार्यालय कैलालीका प्रहरी निरीक्षक हिम्मत थापाले बताए ।
सोही गाउँपालिका ७ मा से१त १९३५ नम्बरको ट्याक्टरमा मिक्स्चर मेसिन जडान गर्दा मंगलबार राति चौधरीलाई करेन्ट लागेको थियो ।
करेन्ट लागेर गम्भीर घाइते भएका चौधरीको उपचारका क्रममा टीकापुर अस्पतालमा मृत्यु भएको थापाले बताए ।
