१ असार, काठमाडौं । अब मोटरसाइकल र स्कुटरमा पनि जोर-बिजोर प्रणाली लागु हुने भएको छ ।
सरकारको निर्णयमा साइकल र मोटरसाइकल चालकमात्र रहनेगरी चलाउन दिने भनेपछि जोरबिजोर लागु नहुने हो कि भन्ने बुझाइ देखिएकाे थियाे । तर पुन: ट्राफिक प्रहरीलाई जोर-बिजोर लागु गर्नभन्दै परिपत्र भएको छ ।
महानगरीय ट्राफिक प्रहरी महाशाखाका एसएसपी भीमप्रसाद ढकालले अनलाइनखबरसँग भने, ‘हामीलाई स्पष्ट निर्देशन आइसकेको छ, अब मोटरसाइकल र स्कुटरमा पनि जोर-बिजोर प्रणाली लागु हुन्छ ।’
दुई पाङ्ग्रे सवारीमा एक जना मात्रै हिँड्न मिल्ने नियम पनि यथावत नै रहेको उनले बताए । यसअघि सरकारले लकडाउनलाई खुकुलो बनाउँदै ३० जेठबाट जोर-बिजोर प्रणाली लागु गरेको थियो ।
यो पनि पढ्नुहोस
दुई पाङ्ग्रे सवारीलाई जोर-बिजोर लागु हुन्छ कि हुँदैन ?
