१ असार, काठमाडौं । जिल्ला प्रशासन कार्यालय काठमाडौंले सेवा प्रवाहका लागि टोकन प्रणाली लागू गरेको छ ।
कोरोना भाइरस संक्रमणको जोखिमबाट बच्न जनस्वास्थ्य र सुरक्षाको मापदण्ड अनिवार्य पालना गर्ने गरी बिहान ८ बजेदेखि साँझ ६ बजेसम्म दुई सिफ्टमा सेवा प्रवाह गरिने प्रशासकीय अधिकृत मानबहादुर बुढाले जानकारी दिए ।
उनका अनुसार जिल्ला प्रशासन कार्यालयमार्फत १० प्रकारका सेवा प्रवाह गरिने छ । जिल्ला प्रशासन कार्यालयले दिन सेवा लिनका लागि बिहान ८ बजेदेखि ११ बजेभित्रमा कर्मचारीसँग सम्पर्क गरी टोकन नम्बर लिनु पर्ने र तोकिएको समयमा कार्यालयमा आई सेवा लिनु पर्ने उनको भनाइ छ । आफ्नो टोकन नम्बर र समय अनुसार मात्रै सेवा लिन आउन प्रशासनले सर्वसाधरणलाई आव्हान गरेको छ । 
