११ असार, काठमाडौं । भारतको दिल्लीमा बसोबास गर्ने करिब तीन करोड व्यक्तिको स्क्रिनिङ गरिने भएको छ । दिल्लीका मुख्यमन्त्री अरविन्द केजरीवालले कोरोना भाइरस (कोभिड-१९) को लक्षण भएका मानिसहरुको पहिचानका लागि उनीहरुको स्क्रिनिङ गरिन लागेको बताएका छन् ।
यो महत्वाकांक्षी योजनाअनुसार दिल्ली सरकारले घर-घरमा गएर मानिसहरुको सर्भे गर्नेछ । दिल्लीमा कोरोना भाइरसका संक्रमितको संख्या मुम्बईमा भन्दा पनि धेरै भएपछि दिल्ली सरकारले यस्तो निर्णय गरेको हो ।
अहिले दिल्लीमा कोरोना भाइरसका संक्रमितको संख्या ७० हजार नाघिसकेको छ । सहरका अस्पतालमा बेडको अभाव देखिएको छ । त्यसैले मृत्यु हुनेको संख्या पनि बढिरहेको बताइएको छ ।
स्रोत : बीबीसी
