१२ असार, कैलाली । सुदूरपश्चिम प्रदेशमा कोरोना संक्रमितको संख्या १७ सय नाघेको छ । शुक्रबार धनगढी प्रयोगशालामा भएको परीक्षणमा थप ३५ जनामा संक्रमण पुष्टि भएसँगै सुदूरपश्चिम प्रदेशमा संक्रमितको सङख्या एक हजार ७०२ पुगेको हो ।
शुक्रबार डोटीमा २५, बैतडीको पञ्चेश्वरमा २, कञ्चनपुरको भीमदत्तमा १ र कैलालीको चुर गउँपालिकामा ५ तथा भजनीमा २ जनामा संक्रमण पुष्टि भएको सेती प्रादेशिक अस्पतालका सूचना अधिकारी दिलीपकुमार श्रेष्ठले जानकारी दिए ।
संक्रमित ३५ जना मध्ये ७ जना महिला र २८ जना पुरुष रहेको श्रेष्ठले बताए । हालसम्म सबैभन्दा बढी कैलालीका ५१८ जनामा कोरोना पुष्टि भइसकेको छ ।
