Comments Add Comment

आइतबार ९८४ जना नेपाल आए, १०३ जना विदेशिए

२८ असार, काठमाडौं । आइतबार उद्दार उडानका लागि गरिएका विभिन्न चार्टर्ड उडानबाट करीव १ हजार नेपाली घर फर्किएका छन् । त्रिभुवन विमानस्थलको तथ्यांक अनुसार आइतबार ९८४ जना नेपालीलाई विभिन्न वायुसेवा कम्पनीले काठमाडौं ल्याएका छन् । नेपालबाट भने १ सय ३ जना विदेश उडेका छन् । आइतबार बहराइनबाट नेपाल एयरलाइन्सले १ सय ४४ जना नेपालीलाई काठमाडौं ल्याएको छ ।

हिमालय एयरलाइन्सले दमामबाट १ सय ५४ जना नेपालीलाई घर ल्याएको छ । हिमालय एयरलाइन्सले नै फिलिपिन्सको मनिलाबाट १ सय ८ जनालाई काठमाडौं ल्याएको छ । हिमालय एयरलाइन्सले नै क्वालालाम्पुरबाट १ सय ५६ जनालाई नेपाल अवतरण गराएको तथ्यांक छ । फ्लाइ दुबईले १ सय ६० जनालाई काठमाडौं फर्काएको छ ।

नेपाल एयरलाइन्सले जापानको नारिताबाट २ बच्चासहित २ सय ६२ जनालाई काठमाडौं ल्याएको छ । आइतबार दमाम र क्वालालाम्पुरबाट २/२ वटा शव नेपाल ल्याइएको छ । आइतबार आन्तरिकतर्फ मनाङ एयरले सुर्किबाट २ र सिमि्रक एयरले बुटवलबाट ४ जनालाई काठमाडौं ल्याएका छन् । सोमबार र मंगलबार भने उद्दार उडान रोकिएको छ । बुधबारबाट पुनः शुरु हुनेछ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment