३० असार, सुर्खेत । जुम्ला खलङ्गाका एक व्यवसायीमा कोरोना भाइरस (कोभिड–१९)को संक्रमण देखिएपछि निषेधाज्ञा जारी गरिएको छ ।
जुम्लाको चन्दननाथ नगरपालिका –५ का एक व्यवसायीलाई कोरोना संक्रमण देखिए सोमबार दिउँसो ३ बजेदेखि लागू हुने गरी सदरमुकाम खलङ्गामा निषेधाज्ञा जारी गरेको जुम्लाका सहायक प्रमुख जिल्ला अधिकारी ओमप्रकाश देवकोटाले जानकारी दिए ।
‘ती व्यक्तिको कन्ट्याक्ट ट्रेसिङ गरेर स्वाब संकलन गर्ने काम भइरहेको छ । अवस्था सामान्य भएपछि निषेधाज्ञा खुल्छ’ उनले भने ।
कर्णाली स्वास्थ्य विज्ञान प्रतिष्ठानको प्रयोगशालामा पीसीआर परीक्षण गर्दा ती व्यवसायीमा संक्रमण देखिएको थियो ।