८ साउन, काठमाडौं । नेपाल ओलम्पिक कमिटि (एनओसी) को कार्यकारी निर्देशकमा चतुरानन्द राजवैद्य नियुक्त भएका छन् ।
एनओसीकाे उपाध्यक्ष समेत रहेका राजवैद्यलाई एनओसीले बुधबार कार्यकारी निर्देशक नियुक्त गरेको हो । राजवैद्य एनओसीका कार्यकारी निर्देशक हुने पहिलो व्यक्ति हुन् । यसअघि एनओसीले कार्यकारी निर्देशक राखेकाे थिएन ।
बुधबारै एनओसीका अध्यक्ष जीवन राम श्रेष्ठ र कोषाध्यक्ष रतन टन्डनले राजवैद्यलाई नियुक्ति पत्र प्रदान गरे ।
अल नेपाल टेबल टेनिस एसोसिएसनका अध्यक्षसमेत रहेका राजवैद्यले सन् १९८५ मा एमबीए गरेका थिए ।
उनी टेबल टेनिसका पूर्व नेपाल च्याम्पियनसमेत हुन् । उनी सन् २०४६ सालबाट टेबल टेनिस संघमा आबद्ध रहदै आएका छन् ।
