१४ साउन, सुर्खेत । कालीकोटको महावै गाउँपालिकामा पहिरोले पुरिएर १ जना बालिकाको मृत्यु भएको छ भने एकजना बेपत्ता भएका छन् ।
वडा नम्बर ७ मा बुधबार दिउँसो आएको पहिरोले तुलबहादुर महतराको घर पुरिँदा सात वर्षकी संगीता भण्डारीको मृत्यु भएको हो ।
त्यस्तै १२ वर्षका गणेश महतरा घाइते भएको कर्णाली प्रदेश प्रहरी कार्यालय सुर्खेतका वरिष्ठ प्रहरी उपरीक्षक (एसएसपी) राजेशनाथ बास्तोलाले जानकारी दिए ।
एसएसपी बास्तोलाका अनुसार तुलबहादुरको घरको आगनमा ६ जना बालबालिका खेलिरहेका थिए । एक्कासी पहिरो आउँदा एक जनाको मृत्यु हुनुका साथै एक जना बेपत्ता भएका छन् । अन्य चार जना भने गम्भीर घाइते भएका छन । घाइतेहरुको ओदा फाउण्डेशनमा उपचार भइरहेको प्रहरीले जनाएको छ ।
प्रहरी घटनास्थलतर्फ पुगिसकेको र स्थानीयको सहयोगमा खोजी भइरहेको एसएसपी बास्तोलाले जानकारी दिए ।
