रेडियोमा आवाजको माध्यमबाट लाखौ श्रोतामाझ पुगिरहेकी संचारकर्मी राधिका कँडेलले ‘तिम्रो मुटु’ बोलको गीतको भिडियो सार्वजनिक गरेकी छिन् । केही सपना र केही रहर पुरा गर्नका लागि आफूले गीत सार्वजनिक गरेको राधिका बताउँछिन् ।

यो गीतमा राधिकाले प्रेम आशक्तिको कुरा गरेकी छिन् । गीत सार्वजनिक भएपछि गायिकाको रुपमा पनि दर्शकले राधिकालाई रुचाएका छन् ।

अश्विन अधिकारीको शब्द तथा संगीतमा तयार भएको गीतले राधिकाको सांगीतिक करिअर सुखद रहेको संकेत गरेको छ । हरि हुमागाँइको छायांकन रहेको यो गीतको भिडियोमा राधिका आफैले मोडलिङ गरेकी छिन् ।

रमेश थापाले सम्पादन गरेको यो भिडियोलाई आकर्षक बनाइएको छ । राधिकाले दर्शकले आफूलाई गायिकाको रुपमा स्विकार गरेको खण्डमा चाडै नै अर्को कोशेली सार्वजनिक गर्ने बताइन् ।