२० साउन, चितवन । पूर्वी चितवनको खैरहनी नगरपालिका–६ मा होम क्वारेन्टिनमा मृत्यु भएका पुरुषको कोरोना परीक्षण रिपोर्ट नेगेटिभ आएको छ ।
भरतपुर कोभिड १९ परीक्षण प्रयोगशालामा गरिएको परीक्षणमा मृतक ३५ वर्षीय पुरुषको रिपोर्ट नेगेटिभ आएको अस्पतालले जनाएको छ ।
बाराबाट १३ दिन अगाडि चितवन आएका ती पुरुषले साथीहरुलाई एक्कासी छाती दुखेको र त्यसपछि एक्कासी ढल्न पुग्दा सोमबार राति उनको मृत्यु भएको थियो । मृत्यु भएका पुरुष खैरहनी–६ पुरानो पर्सामा रहेको केसी बोरा उद्योगमा काम गर्ने मजदुर थिए ।