२७ साउन, कैलाली । कैलालीमा माछा मार्न राखेको पासोमा अल्झिएर एक जनाको मृत्यु भएको प्रहरीले जनाएको छ ।
भजनी नगरपालिका ७ का ३६ वर्षका अशोक पासीको पासोमा अल्झिएर मृत्यु भएको जिल्ला प्रहरी कार्यालय कैलालीका प्रहरी निरीक्षक हिक्मत थापाले बताए ।
पासी सोमबार अपराह्न ४ बजे घरबाट बाहिर निस्किएपछि बेपत्ता भएका थिए । मंगलवार बिहान गणेशमान आधारभूत विद्यालय नजिकै डुबान भएको स्थानमा उनको शव फेला परेको छ ।
जिल्ला प्रहरी कार्यालय कैलालीका प्रहरी निरीक्षक थापाले पासीको मृत्यु पासोकै कारण भएको बताए ।
