११ भदौ, काठमाडौं । स्वास्थ्य सेवा विभागको महानिर्देशक पदबाट स्वास्थ्य मन्त्रालय तानिएका प्रमुख विशेषज्ञ महेन्द्रप्रसाद श्रेष्ठले अढाई महिनापछि जिम्मेवारी पाएका छन्।
स्वास्थ्यमन्त्री भानुभक्त ढकालले बिहीबार मन्त्रीस्तरीय निर्णय गर्दै श्रेष्ठलाई नीति योजना तथा गुणस्तर महाशाखाको जिम्मेवारी दिएका हुन्। उनलाई कोभिड-१९ समेत हेर्ने गरी जिम्मेवारी तोकिएको सहसचिव रघुराम विष्टले जानकारी दिए ।
यसअघि यो जिम्मेवारी पनि अर्का प्रमुख विशेषज्ञ डा रोशन पोखरेलले सम्हाल्दै आएका थिए । अब डा पोखरेलको भागमा स्वास्थ्य समन्वय र जनसंख्या महाशाखाको जिम्मेवारी रहेको छ।
यसअघि श्रेष्ठ विभागमा हुँदा मन्त्रालयमा प्रमुख विशेषज्ञद्धय पोखरेल र डा दीपेन्द्ररमण सिंहले जिम्मेवारी बाँढिएको थियो।
मन्त्रालय तानिसकेपछि श्रेष्ठलाई भने अहिलेसम्म सीसीएमसीमात्रै हेर्न भनिएको थियो । श्रेष्ठ गत २२ जेठमा मन्त्रालय तानिएका थिए ।